Boccia promovohet te gjeneratat e reja në Prishtinë, FPBOk i dhuroi set të topave të boccias Shkolles Burimore Përparimi

Në Qendrën Burimore Përparimi në Prishtinë u zhvillua një aktivitet promovues për sportin e boccias, me pjesëmarrje të gjeneratave të reja.

Pjesëmarrësit patën mundësinë të njihen me bocian dhe ta provojnë këtë sport gjithëpërfshirës, i cili nxit pjesëmarrjen, përkushtimin dhe angazhimin aktiv.

Federata e Para Boccia e Kosovës do të vazhdojë me aktivitete promovuese edhe në komunat e tjera, me qëllim që boccia të bëhet e njohur dhe e qasshme për sa më shumë persona me aftësi të kufizuara.

Kryetari Murat Murati, në emër të Federatës së Para Boccia të Kosovës, i dhuroi një set të topave të boccias, Qendrës Burimore Përparimi në Prishtinë.

Ky set i topave, i dhuruar për shkollën Përparimi, do t’u shërbejë nxënësve për stërvitje dhe për t’u njohur me sportin e boccias.

Shpresojmë që sa më shumë nxënës të përfshihen dhe ta mësojnë këtë sport gjithëpërfshirës. Në të ardhmen synojmë të bashkëpunojmë në programe për zhvillimin e boccias te gjeneratat e reja.

Falënderojmë drejtoreshën e shkollës, Drita Dushi, si dhe stafin për mikpritjen.