4 vjet së bashku

FPBOK festoi 4-vjetorin e themelimit me një mbrëmje solemnë në Hotel Brilant në Hajvali, Prishtinë.

Mbrëmja përfshiu prezantimin e Ligës së Femrave në Boccia, një projekt i rëndësishëm që synon të rrisë pjesëmarrjen e femrave në këtë sport gjithëpërfshirës. Gjatë aktivitetit, u bë një përmbledhje e aktiviteteve të kryera gjatë këtyre katër viteve, duke theksuar arritjet dhe sfidat e kaluara.

U ndanë mirënjohje për individë dhe institucione që kanë kontribuar në zhvillimin e federatës. Programi artistik dhe darka e përbashkët krijuan një atmosferë të ngrohtë feste, ndërsa prerja simbolike e tortës shënoi momentin e veçantë të këtij 4-vjetori.

Burimi: Facebook zyrtar i FPBOK