Federata e Para Boccia e Kosovës trajnoi nëntë trajnerë vendorë

Trajnimi u udhëhoq nga Luan Çabra, trajner i trajnuar ndërkombëtarisht në boccia. Në aktivitet morën pjesë nëntë trajnerë nga gjashtë klubet aktive të boccias në Kosovë.

Qëllimi i trajnimit ishte zhvillimi profesional i trajnerëve dhe mbështetja e punës së tyre me sportistët. Përmes përcjelljes së njohurive dhe përvojës, synohet të ndihmohen klubet në përmirësimin e përgatitjes sportive dhe në zbatimin e një qasjeje më të njëtrajtshme në punën me sportistët.

Federata e Para Boccia e Kosovës do të vazhdojë të mbështesë aftësimin e trajnerëve dhe zhvillimin e kapaciteteve vendore, si pjesë e përpjekjeve për ngritjen e cilësisë dhe zgjerimin e boccias në vend.